ജന്മിമാരില്നിന്ന് ഭൂ പരിഷ്കരണത്തിന്റെ പേരില് ഭൂമി കൈക്കലാക്കിയവര് ആ ഭൂമി റിയല് എസ്റ്റേറ്റ് മാഫിയക്ക് മറിച്ച് വിറ്റ് കോടീശ്വരന്മാരാവുമ്പോള് പഴയ ജന്മികള് ഇന്ന് ജീവിതം മുന്നോട്ട് കൊണ്ടുപോവാനാവാതെ കഷ്ടപ്പെടുകയാണ്. മണ്ണില് പണിയെടുക്കുന്നതിലൂടെ സ്ഥാപിച്ച അവകാശം മണ്ണില് പണിയെടുക്കുന്നില്ലെങ്കില് നഷ്ടപ്പെടും. അതിനാല്, ഭൂമി യഥാര്ഥ ഉടമക്ക് തന്നെ തിരിച്ചു കിട്ടണം. സ്വന്തം ഭൂമി പിടിച്ചെടുക്കാന് സര്ക്കാര് ടാറ്റമാരോട് നിഴല്യുദ്ധം ചെയ്യുമ്പോള് സര്ക്കാര് പിടിച്ചെടുത്ത ഭൂമി അതിന്റെ യഥാര്ഥ അവകാശികള്ക്ക് കൈമാറുന്നതിനെ പറ്റിയും ആലോചിക്കണം.
